Lehen komunikazio-zikloa gainditu duten pertsonek aurrez izena eman ahal izango dute elkargoan, baina ez dute eskubide osorik eskuratuko ikasketak amaitu eta lizentziatura lortu arte. Talde horren kasuan, Kazetarien Euskal Elkargoak aurrez inskribatutako elkargokidearen figura ezartzen du, eta honako eskubide hauek izango ditu: informazio- eta prestakuntza-jardueretan parte hartzeko eskubidea; Elkargoaren argitalpenak jasoko ditu; erakunde horrek antolatzen dituen ekitaldiei buruzko jakinarazpenak jaso ahal izango ditu; ekitaldi eta jarduera desberdinetan parte hartu ahal izango du, baina ez du botoa emateko eskubiderik izango ikasketak amaitu arte eta elkargokide bihurtu arte. Ikasketak amaitu eta sei hilabetera, eta betiere Estatutu honetan ezarritako baldintzak betetzen baditu, elkargokide gisa sartzea eskatzen ez badu, aurrez inskribatuta egoteari utziko dio.