Euskal Kazetarien Elkarteak eta Kazetarien Euskal Elkargoak, gure erkidegoan lanbidea ordezkatzen duten organo ofizialek, gure kezka helarazi nahi diogu Iritzi Publikoari, lan-gatazka baten ondorioz atzotik euskal komunikabide bat ez argitaratzeagatik.
Euskal Herrian komunikabide handiak eta kazetari onak egon dira eta badaude. Hala eta guztiz ere, informazio-eredu tradizionalen krisiak eta trantsizio digitalera behartzen duen teknologiaren agerpenak tenkatu eta mehatxatu egiten dituzte gure gizartean informazio-aniztasuna ahalbidetzen duten profesionalen enpleguaren kalitatea, egonkortasuna, soldata eta lan-baldintzak.
Hain zuzen ere, kezkatzen gaitu prentsa idatziaren sektorean aspalditik gertatzen ari den egoerak. Paperezko edizioek desagertzera bideratuak ematen dute, eta horrek kaleratze oldea dakarte berarekin; baita gure Herrian informazio-aniztasuna bermatzeko funtsezkoak eta beharrezkoak diren euskal komunikabide batzuetako plantilletan gertatzen ari diren aurre-erretiroen eta enpleguaren prekarizazioaren politikak ere.
Herritarren informazio-eskubidea defendatzeko dugun jarreratik eta Kazetaritza aske eta lan-baldintza duinetan egiten dela zaintzeko dugun betebeharretik abiatuta, gatazkan parte hartzen duten eragileei irtenbide bideragarria eta egokia bilatzeko eskatzen dugu, atzotik Deia egunkaria argitaratzea eragotzi baitu, eta irakurleekiko hitzordura lehenbailehen itzultzea bermatzeko.
- 26/04/2024
